Десетици илјади луѓе излегоа на улиците низ Соединетите Американски Држави за да протестираат против претседателот Доналд Трамп и Илон Маск, кој раководи со Министерството за ефикасност на владата. Протестите, познати како „50501“, што значи „50 протести, 50 држави, 1 движење“, се одржаа на 250-годишнината од почетокот на Американската револуционерна војна.
Од собирите пред Белата куќа и Тесла до центарот на многу градови, демонстрантите го изразија своето незадоволство за различни прашања. Многумина бараа враќање на Килмар Абрег Гарсија, кој по грешка беше депортиран во Ел Салвадор.
Од раните утрински часови демонстрантите се собраа во Вашингтон, Њујорк и Чикаго, а протести се одржаа и во сојузните држави како Мериленд, Висконсин, Тенеси, Јужна Каролина, Охајо, Кентаки, Калифорнија и Пенсилванија. Американците протестираа и во странство, вклучително и во Даблин и во неколку други градови. Во Вашингтон протести се одржаа во паркот Френклин и пред домот на Џеј Ди Венс.
MASSIVE protest outside the White House, where trump can't ignore the reality people hate him and his fucked up policies.
FUCK YEAH! pic.twitter.com/xsW9urNqx7
— BrooklynDad_Defiant!☮️ (@mmpadellan) April 19, 2025
Во Масачусетс учесниците носеа транспаренти со пораки како „Сега е наш ред да се бориме против тиранијата“ и „Фашистите доаѓаат, фашистите доаѓаат“. Портпаролката на движењето 50501, Хедер Дан, рече дека целта на протестот е „да се заштити демократијата од зајакнувањето на авторитаризмот под владеењето на Трамп“.
"Hands Off!" 50501 protests against Trump today in Chicago! pic.twitter.com/g9LHkxm2EO
— Craig Shimala (@cshimala) April 19, 2025
Таа го опиша движењето како „продемократско, проуставно, против злоупотреба на извршната власт, ненасилно и непартиско движење“. „Меѓу нас има регистрирани демократи, независни гласачи и републиканци – сите заедно маршираме затоа што веруваме во Америка, во праведна влада која ги става луѓето пред профитот“, рече таа за Вашингтон пост.
Политичките протести во САД стануваат се почести. Протестите на почетокот на април собраа десетици илјади граѓани ширум земјата. Според најновата анкета на Галуп, 45 отсто од гласачите го одобруваат настапот на Трамп во првиот квартал од неговиот мандат, што е повеќе од 41 отсто што го одобрувале во истиот период за време на првиот претседателски мандат. Сепак, таа поддршка е сè уште значително помала од просекот од 60 проценти за сите претседатели избрани меѓу 1952 и 2020 година.