Речиси е тешко да се поверува дека помина помалку од една недела откако комуникациските уреди што ги користат членовите на Хезболах почнаа да експлодираат низ Либан.
Деновите оттогаш беа серија катастрофални неуспеси за шиитската милитантна група поддржана од Иран.
Мрежите на Хезболах се сериозно оштетени, нивните борци се осакатени, нивното раководство е убиено, а нивната воена инфраструктура е под постојано бомбардирање. Хезболах се соочува со најголемата криза во последните четири децении, пишува Би-Би-Си во анализа на ситуацијата во Либан.
مشاهد تظهر حركة نزوح كبيرة من منطقة البقاع في الجنوب اللبناني بعد الغارات الإسرائيلية المتتالية#لبنان #الحدث pic.twitter.com/Z96dU9ZywG
— ا لـحـدث (@AlHadath) September 23, 2024
Либанското Министерство за здравство соопшти дека во денешните израелски напади врз Либан загинале 356 лица, а 1.246 се ранети.
Министерството додаде дека меѓу загинатите има 24 деца и 42 жени, пренесе Ројтерс.
Израелската војска претходно денеска соопшти дека погодила повеќе од 800 цели на Хезболах во јужен Либан и долината Бека во источен Либан.
„Меѓу погодените цели има и згради каде Хезболах криел ракети, проектили, ракетни фрлачи, беспилотни летала и друга терористичка опрема“, се вели во соопштението на армијата.
Откако утрово изврши бран воздушни напади врз цели на Хезболах, израелската армија се подготвува за следната фаза од операцијата во Либан, изјави началникот на Генералштабот на ИД, генерал Херзи Халеви.
We will never cease to be in awe of the modern-day miracle that is the Iron Dome. pic.twitter.com/qnFNj8mbJu
— Israel ישראל (@Israel) September 23, 2024
„Ја напаѓаме борбената инфраструктура што Хезболах ја градеше во последните 20 години. Ова е многу значајно. Напаѓаме цели и се подготвуваме за следните фази“, рече Халеви во изјавата без да даде детали.
Израелскиот министер за одбрана Јоав Галан вели дека кампањата на Израел против Хезболах сега „се продлабочува“. Но, тоа е стратегија со висок ризик, во која не треба да се занемари способноста на Хезболах да реагира насилно.
Сирените за тревога продолжуваат да се огласуваат низ Израел, а министерот за одбрана Галант им порача на Израелците „да покажат смиреност, дисциплина и целосна послушност кон директивите на Високата команда“.
Новинарите на Би-Би-Си во Израел ја посетија малата заедница Гиват Авни, недалеку западно од Тиберија. Дејвид Јицак денеска на ручек им покажа каде ракета на Хезболах го прободе покривот на неговата семејна куќа.
По завивање на сирените, Дејвид ги ставил сопругата и шестгодишната ќерка во безбедна просторија само неколку секунди пред експлозијата.
„Имаше еден метар помеѓу животот и смртта“, рече Дејвид, покажувајќи на краткото растојание помеѓу безбедната соба и дупката во спалната соба на неговата ќерка.
Тој рече дека не чувствува никакво непријателство кон народот на Либан, но вели дека Хезболах ја започна војната без причина. „Значи, сега им враќаме. И ќе биде добро“, рече тој.
🔴Northern Israel Right Now 🔴
This is what we are up against.
We hold the Lebanese government accountable for every Hezbollah rocket launched from its soil.
We will never apologize for protecting the people of Israel. pic.twitter.com/Ij0np5z1t8
— Israel ישראל (@Israel) September 23, 2024
Гиват Авни се наоѓа на околу 30 километри од либанската граница и е далеку од зоната за евакуација која властите ја воспоставија пред речиси една година. Еден час подоцна, кога новинарите на Би-Би-Си пристигнаа во блискиот Кибуц Лави, каде што минатата година живееја семејствата евакуирани од северот, сирените повторно се огласија.
На небото над главите на новинарите се појавија ракети и додека беа внесени во подземно засолниште полно со деца, слушнаа низа длабоки удари. Еден час подоцна, уште еден аларм, уште една безбедна просторија и уште пригушени експлозии.
Хезболах продолжи да стрела ракети кон Израел и пред последната ескалација. Но, сега уште поголем дел од северен Израел е изложен на ракети од Либан.
Сето ова дава чувство на итност на постапките на владата.
Говорејќи по состанокот со шефовите на одбраната, премиерот Бенјамин Нетанјаху рече дека Израел го менува балансот на силите на северот. „Ни претстојат сложени денови“, предупреди тој.
BREAKING:
Israel is carpet bombing civilian homes all across South Lebanon and the Bekaa Valley.
At least 58 towns and villages have been hit.
This is terrorism—plain and simple. pic.twitter.com/83IE1dFzBr
— sarah (@sahouraxo) September 23, 2024
„Не чекаме закани“, рече тој, а потоа додаде: „Го спречуваме тоа. Секаде, во секое време. Ги елиминираме нивните службеници, ги елиминираме терористите, ги елиминираме проектилите“.
Се чини дека израелската војска е решена да го заузда Хезболах со надеж дека ќе ја постигне целта на владата да ги врати евакуираните цивили во домовите долж северната граница.
Масовниот напад беше извршен утринава, по предупредувањето до жителите на јужен Либан да ги напуштат областите каде Хезболах ги крие своите ракети.
Потоа следеа насилни воздушни напади во кои, според Израелците, биле уништени илјадници и илјадници ракети на Хезболах.
Но, израелските воени претставници велат дека, за разлика од Газа, предупредувањата не значат дека армијата е подготвена да изврши копнена инвазија на јужен Либан.
„Во моментов сме фокусирани само на воздушната кампања“, изјави денеска висок функционер.
Засега се чини дека Израел ќе види што може да постигне од воздух. Поранешниот командант, говорејќи за израелската телевизија Канал 12, рече дека досега воздухопловните сили покажале само мал дел од своите способности.
Но, Израел не може да направи сè што сака од воздух, дури и ако, како што изгледа возможно, авионите се на пат да опустошат цели села.
Во одреден момент, копнената инвазија, колку и да е ограничена, изгледа неизбежна, заклучува Би-Би-Си.