Маскирано вооружено лице ограбило банка во населбата Илинден. Првичните информации говорат дека е одземена голема сума на пари.
Идентитетот на ограбувачот засега останува непознат, а очевидците велат дека со парите избегал во непознат правец.
„Денеска (28.02.2024) во 10.26 часот во СВР Скопје било пријавено дека во експозитура на една банка во нас.Илинден – Скопје едно лице со закана со огнено оружје од вработените одзело пари“, велат од МВР.
Полицијата во моментов врши увид, а повеќе информации од Министерството за внатрешни работи најавуваат за подоцна денеска.
