Поранешниот премиер на Италија Силвио Берлускони разгледува можност да се кандидира на изборите за Европскиот парламент во Естонија.
Во таа држава не се применуваат италијански закони кои му забрануваат да учествува на избори, а европскиот изборен систем нема механизам тоа да го спречи, јавуваат италијански медиуми.
Со италијанскиот закон забрането е осудени лица на повеќе од две години затвор да учествуваат на избори.
Берлускони на 1. август беше осуден на четири години затвор заради затајување данок, но казната веднаш му беше намалена на една година.
„Ил Месаџеро“ објавува дека Берлускони може да се кандидира во Естонија за европските избори каде неговиот пријател, богат бизнисмен Ернесто Преатон има големо влијание.
Во европскиот изборен систем не постои закон кој забранува некој да биде избран во ЕП во друга држава.