Косовскиот министер за внатрешни работи Џелал Свечља на прес-конференција изјави дека целта на нападот во Бањска била анексија на северот на Косово. Според него, во акцијата учествувале 90 напаѓачи. Тој вели дека немаат снимка од убиството на Србинот откако тој се предал.
Според Свечља, подготовките за нападот биле направени во централна Србија, што, како што рече, може да се види од беспилотните летала запленети од групата. Свечља вели дека на снимките се гледа не само нападот во Бањска, туку и подготовките на групата во тренинг центрите во Србија на Копаоник, на имотот на Милан Радоичиќ.
„На обуката учествуваа српскиот претседател Александар Вучиќ, министерот за одбрана Милош Вучевиќ и началникот на командата на армијата Милан Мојсиловиќ“, рече Свечља. Тој додаде дека Вучиќ се обидел да го сокрие фактот дека Србија била вмешана во организацијата на нападот.
Косовската полиција синоќа објави неколку видеа со описи за тоа што се гледа на снимките.
Снимка 1.
„Снимката од 26 август 2023 година, направена во Копаоник, Србија, ги прикажува одморалиштата и хотелот „Греј“ во сопственост на Милан Радоичиќ“.
Снимка 2.
„Снимката е од 2 септември, а е направена на Копаоник, во близина на просторот во сопственост на Милан Радоичиќ. Видеата покажуваат дека облеката се тестира на термални камери. Остатокот од видеото ги прикажува последните вежби на терористичката група на полигонот на српската војска познат како Пасуљанске ливаде“.
Снимка 3.
„Тука може да се видат моторни возила“, пишува косовската полиција. „На видеото се гледа како се симулира напад и се симулира ранување на членови на терористичка група, како и пружање прва помош“, пишува косовската полиција.
Снимка 4.
„Ова видео од 20 септември покажува како групата наидува на отпор и симулира оклопна поддршка“.
Снимка 5.
„Овие слики, исто така од 20 септември 2023 година, се продолжение на прелиминарните слики кои покажуваат дека борбеното возило (HUMVEE) застанало. Во првиот ред се гледа дека има инсценација/тепачка меѓу групите. Беше забележан A (HUMVEE) како ја поддржува линијата на фронтот додека борбите поттикнати од групата под (HUMVEE) поддршка разменија оган. Во рамките на оваа воена вежба на терористичката група се набљудуваат и возила (HUMVEE), а се сомнева дека во истата вежба било употребено и едно од возилата што косовската полиција ги заплени во терористичкиот напад на 24 септември 2023 година“.
Косовската полиција објави и фотографии од запленето оружје.
„Ова е дел од оружјето што докажува дека ова оружје е произведено во Србија и дека е ново оружје“, пишува косовската полиција.