Двајца вработени во меѓународниот аеродром во Мајами се обвинети за кражба. Како што може да се види на видеото што го објави полицијата, тие краделе пари од багажот на патниците, јавува „CBS Miami“.
На видеото се гледа како вработените вадат пари од багажот на патниците и ги ставаат во нивните џебови.
Во полицискиот извештај се наведува дека од паричникот на патникот биле украдени 600 долари додека патникот бил на скенерот, а неговиот багаж бил на подвижната лента пред да помине низ рендгенски преглед.
Оштетениот патник вели дека не може да верува дека тоа се случило.
„Па, тие се под камери, постојано се се снима. Што мислеа, се гледа што прават“, вели патникот.
Според Си-Би-Ес Мајами, двајца вработени биле уапсени уште во јули. Во кривичната пријава е наведено дека им го одвлекувале вниманието на патниците за да ги ограбат.