Португалскиот селектор Фернандо Сантош призна дека му се налутил на Кристијано Роналдо за неговата реакција кога беше заменет за време на петочниот меч против Јужна Кореја и не сакаше да потврди дали тој ќе биде стартер во осминафиналето против Швајцарија.
Só para não haver dúvidas, tanto o Ronaldo como o Fernando Santos a tentarem fazer dos portugueses parvos, mais valia nem comentarem o assunto… pic.twitter.com/yTxyHy1hl6
— Tiago Rebelo (@TiagoRebelo1999) December 2, 2022
Роналдо беше видливо исфрустриран што беше беше заменет во 65. минута во драматичниот 1:2 пораз, а камерите го фатија како коментира: „Тој се брза да ме замени“. По ова, тој беше вклучен во расправија со корејскиот фудбалер Чо Гуе-Сунг, и Сантош признава дека ја „фатил“ реакцијата по мечот.
„По мечот, зборував во кратко интервју и потоа на прес-конференцијата и кажав нешто што ќе го повторам тука – на теренот, не слушнав ништо. Бев предалеку и само го видов дека се расправа со корејскиот фудбалер. Дали потоа ја видов снимката? Да. Не ми се допаѓаше. Не ми се допаѓаше воопшто. Но, тоа се работи кои се средуваат интерно во тимот. Сега, имаме друга задача, утрешниот меч и сите се фокусирани на тоа. Дали ќе игра утре? Јас кажувам кој ќе игра само на луѓето во соблекувалната кога ќе бидеме на стадионот. Така е секогаш“, вели Сантош.