Прорежимските гости во програма емитувана на државната руска телевизија „Русија 1“ разговараа за зголеменото незадоволство на руската јавност од ситуацијата во Украина и начинот на кој Русија ја води војната.
Во видеото со англиски превод објавено од новинарката Џулаи Дејвис, репортер на „Дејли Бист“, може да се слушнат гостите во емисијата како разговараат за влошеното расположение на руската јавност.
Еден од гостите вели дека жителите на Русија не се во паника, туку „се случува нешто уште полошо“ – иритација. Кога рускиот претседател Владимир Путин прогласи делумна мобилизација, општествениот договор во Русија се промени.
Meanwhile in Russia: pundits and experts worry about the potential uprising, comparing Russia’s current state to 1916, in the run-up to the revolution of 1917. They worry that the Russian people are getting more angry & social media is adding more heat to the growing volatility. pic.twitter.com/8b7b3kMH1A
— Julia Davis (@JuliaDavisNews) November 15, 2022
„Откако се случи ова, веќе не е доволно да им се кажува на луѓето дека „татковината е во опасност“, рече тој. Зборувајќи за тоа зошто има „толкава иритација“ во Русија, тој рече: „Се чини дека владата не му верува на народот. Сите сме сигурни дека ќе победиме. Што ги спречува да кажат „драги луѓе, имаше грешки и погрешни пресметки.“
Гостинот тврди дека „иритацијата се акумулира“ затоа што Кремљ „не е искрен со луѓето“ од почетокот на војната. Друг гостин рече дека Русија мора да почне да ја подготвува јавноста за „долга и тешка војна“.
„Не за победнички марш, не за брзи победи, туку за долга и тешка војна“, рече тој.