БилГејтс е позитивен на коронавирус. Не е јасно дали ова е првпат Гејтс, кој донираше милиони за борба против пандемијата, да биде позитивен на Ковид-19.
66-годишниот Гејтс на Твитер објави дека се изолирал со благи симптоми и дека примил и бустер доза од вакцината против Ковид-19.
Во последниве месеци, Гејтс, ги насочи своите значајни ресурси на пандемијата. Минатата недела, тој објави книга со наслов Како да се спречи следната пандемија, во која објаснува како земјите би можеле да направат координирани напори за спречување на пандемии и „елиминирање на сите респираторни заболувања“.
Тој отворено зборуваше за тоа како глобалните здравствени власти треба да одговорат на пандемијата и да дистрибуираат вакцини. Фондацијата Бил и Мелинда Гејтс соопшти дека донирала милиони на организации, вклучително и Гави и Светската здравствена организација, за финансирање на тестирање, третман и дистрибуција на вакцини.
Во јануари, Гејтс твитна дека коронавирусот, „штом омикронот ќе помине низ земјата, може да се третира повеќе како сезонски грип“.