Рускиот истражен комитет покрена кривична истрага за ракетниот напад на украинската армија со проектили од типот Точка-У врз Краматорск, при што загинаа најмалку 50 лица, соопшти денеска прес-службата на Истражниот комитет.
Главниот истражен оддел на Рускиот истражен комитет покрена кривична постапка против командантот на бригадата на украинските вооружени сили и други неидентификувани лица, се наведува во соопштението.
Тие се товарат за кривичното дело предвидено во точка 1 од член 356 од Кривичниот законик на Русија – Сурово постапување кон цивилно население и употреба на средства и методи на војување забранети со Меѓународниот договор на Руската Федерација, се додава во соопштението.
Извор: МИА