Шешељ и радикалите ќе го поддржат Вучиќ за претседател на Србија

Од:

Претседателот на Српската радикална партија (СРС), Воислав Шешељ, денеска изјави дека неговата партија ќе ја поддржи кандидатурата на претседателот на Српската напредна партија (СНС), Александар Вучиќ за претседател на Србија на изборите на 3 април, бидејќи тоа е „во интерес на народот, што значи и во интерес на СРС“, јави дописникот на МИА од Белград.

Шешељ во писмена изјава наведе дека СРС главно има свој кандидат на претседателски избори, но дека „националните интереси понекогаш бараат отстапување од воспоставената пракса“.

-Доколку подлегнеме на некои лични интереси, суета или инает, ние всушност само ќе ја загрозиме шансата Александар Вучиќ да победи во првиот круг, што мора да се случи. Сите патриоти мора да разберат дека победата на Вучиќ во првиот изборен круг е од национален интерес, изјави Шешељ.

Според него, „би било погубно за Србија“ доколку во вториот изборен круг се „мобилизираат сите антисрпски кругови“, и за претседател биде избран прозападен кандидат.

-Се што постигна Александар Вучиќ во заштита на националните интереси, што ние постојано го поддржувавме, бидејќи се поклопува со нашата програма, ќе падне во вода. Ние, српските радикали, тоа нема да го дозволиме бидејќи нашата поддршка за кандидатурата на Александар Вучиќ ќе биде клучна за неговата победа во првиот изборен круг, изјави Шешељ.

Извор: МИА

Би можело да ве интересира

Уапсено е момчето кое претепа наставник во Бачка Паланка

(ВИДЕО) Снимка од моментот кога се урна рингишпил во Куршумлија: Повредени тринаесет деца

13 деца се повредени во Куршумлија, уапсен е сопственикот на рингишпилот

Горан Наумовски

Се урна рингишпил во Куршумлија, едно дете е тешко повредено, 12 деца минале со полесни повреди

Горан Наумовски

Кинескиот претседател Џипинг денеска во Србија

Изгласана е новата Влада на Србија на чело со премиерот Милош Вучевиќ