Млад скопјанец, огорчен од нерешени љубовни проблеми со девојка, со нож нападнал друг скопјанец на клупа во парк во населбата Тафталиџе, а на инцидентот присуствувала и девојката, соопшти полицијата.
„На 27.04.2021 околу 15.00 часот во СВР Скопје било пријавено дека на ул.„Васил Чакаларов“, С.С.(30) и М.И.(26), двајцата од Скопје, додека седеле на клупа со Т.Ј.(23) од Скопје, биле нападнати со остар предмет од В.Б.(24) од Скопје,“ се вели во полициското соопштение.
Причина за нападот, според пријавеното, биле нерасчистени љубовни проблеми меѓу напаѓачот и девојка која била заедно со нападнатите, велат од МВР, од каде додаваат дека се преземаат мерки за расчистување на случајот.