Противниците на воената хунта што изврши државен удар во Мјанмар на 1 февруари, кога беше соборена владата, се собраа и денеска на улиците во некои градови во државата, само еден ден откако полицијата и армијата отворија оган и убија две лица.
Полицијата уапси локален актер кој ја поддржуваше опозицијата, додека компанијата Фејсбук ја избриша страницата на армијата на Мјанмар на таа социјална мрежа, со нагласок дека тие поттикнуваат насилство.
Армијата досега не успеа да ги задуши демонстрациите и граѓанската непослушност, односно протестите против пучот поради апсењето на премиерката Аунг Сан Су Чи и нејзините соработници, дури и со ветување дека ќе се одржат нови избори.
Протести се одржуваат во Јангон, трговскиот центар на Мјанмар, каде неколку илјади демонстранти се собраа во близина на универзитетскиот центар, извикувајќи пароли против хунтата.