Социјалната мрежа Фејсбук ја избриша страницата на вооружените сили на Мјанмар според правилата што забрануваат поттикнување насилство.
Страницата „Вистински вести“ на вооружените сили во Мјанмар е отстранета поради „повеќекратно кршење на правилата за забрана за поттикнување насилство“, изјави портпаролот на Фејсбук.
Засега нема коментар од вооружените сили.
Двајца демонстранти кои протестираа против воената хунта во Мјанмар беа убиени вчера во градот Мандалај.
Портпаролот на американскиот Стејт департмент Нед Прајс на Твитер објави дека Вашингтон е „длабоко загрижен“ од информациите дека безбедносните сили пукале врз демонстрантите. „Ние стоиме покрај народот на Мјанмар“, наведе тој.