Од денеска во Хрватска се во сила олеснети епидемиолошки мерки – кафулињата почнуваат да работат со тоа што ќе продаваат пијалоци „за носење“.
Спортски сали, фитнес центри и училишта за странски јазици, детски игралишта и работилници, клубови за автомати, казина и обложувалници, исто така, ќе можат да работат.
Олеснувањето на мерките е придружено со прецизна епидемиолошка рамка, така што луѓето кои земаат храна и пијалоци не смеат да останат на терасите во кафулињата или пред нив.
Не е дозволено влегување во кафулиња, а лицата кои чекаат на испорака мораат да одржуваат растојание од два метра и да користат маски, а на објектите треба да се ставаат известувања за епидемиолошки мерки.