Снимката на една девојка која се мачи да се искачи по стрм, а замрзнат тротоар во главниот град на Украина, Киев, стана апсолутен хит на интернет, а во првите три дена откако беше објавена на Твитер, ја погледнаа преку десет милиони луѓе.
Станува збор за снимка од улична камера, која сведочи за маките на упорната девојка и ги бележи нејзините бројни неуспешни обиди да се искачи од улицата на замрзнатиот плочник, окован од киевската голомразица.
Lady in the backpack. Wait for it… pic.twitter.com/47FAKaKA6y
— Rex Chapman?? (@RexChapman) December 11, 2020
Во Киев ноќните температури минатата недела се движеа од -9 до -5 степени, што е над просекот за овој дел од годината во украинската престолнина.
Не е познато дали девојката на снимката на крајот успеала да се качи по замрзнатата стрмна улица, но нејзиниот пример во секој случај е добра мотивација за секого на кого што му е потребна упорност.