Учениците од Кавадарци денеска го блокираа влезот од градското собрание, искажувајќи го својот револт против екстерното оценување.
Неколку стотици ученици од основните и средните училишта во општина Кавадарци се собраа на градскиот плоштад искажувајќи го својот револт против оваа според нив некоректна одлука од страна на министерството за образование и наука.
Се извикуваа пароли со наслов “Стоп за екстерно тестирање”, “Не сакаме екстерно тестирање” како и “Излези Цано”. После получасовното протестирање, дел од учениците заминаа на разговор кај градоначалникот Александар Панов дискутирајќи за настанатата ситуација.
Да потсетиме дека наставниците ја изгубија дебатата со челниците на министерството за образование, а згора на тоа дури и се пишманија во нивната намера за излегување на генерален штрајк.
Протестот помина во мирна атмосфера и траеше околу половина час. Повеќе од видеото.