Шефот на грчката дипломатија Никос Дендиас испрати писмо до германскиот колега Хајко Мас и шпанската министерка за надворешни работи Аранча Гонсалес-Лај, во кое бара да се воведе ембарго на увозот на оружје во Турција.
Дендиас во писмото бара да не се издаваат дозволи за извоз во Турција на одредени видови воена опрема, како што се подморници, фрегати, надградба за авиони и оклопни возила.
Грчкиот министер за надворешни работи ги наведува и неодамнешните провокативни акции од страна на Турција, истакнувајќи дека Анкара сака да ги постигне своите цели со воени средства.