Првиот вицепремиер и министер за политички систем и односи помеѓу заедниците, Артан Груби денеска се сретна со министерот за здравство на Косово, Арменд Земај, при што разговарале за состојбата со епидемијата предизвикана од КОВИД-19 во Македонија и Косово, како и за најдобрите и најефикасните начини за справување со неа.
Груби и Земај разговарале и за важноста на отворањето на граничните премини меѓу државава и Косово, одлука за која се сложиле дека ќе им помогне на економиите на двете земји.
„Груби на министерот Земај му истакна дека тој лично е за отворање на сите гранични премини, заради слободното движење, и истото да се спроведе според моделот што го користат Република Албанија и Република Косово, преку слободно движење без да се бараат ПЦР тестови,“ се вели во соопштението од кабинетот на првиот вицепремиер.