Над Арачиново вечерва избувна голем пожар, а според информациите од надлежните, гори депонијата во селото. Пожарникарите веќе интервенираат на терен со две возила.
Од видеата објавени на социјалните мрежи е видливо дека се работи за пожар на голема површина, кој се гледа и од спротивниот крај на Скопје.
Командантот на Територијалната противпожарна бригада на Град Скопје, Владимир Симоновски, за МИА изјави дека пожарот е пријавен во 20:10 часот и оти на терен се испратени осум пожарникари.
