Ѕвездата на Хјустон Рокетс, Џејмс Харден нема да игра на Светското првенство во Кина што ќе се одржи ова лето, објави дневниот весник „Хјустон Хроникл“.
Кошаркарот изјавил дека ќе остане дома ова лето за да се подготви за промените кои се очекува да стартуваат кај „ракетите“ пред почетокот на сезоната 2019/20.
Харден стана втората голема ѕвезда од НБА, која најави дека нема да го облече дресот на својата татковина за Светското првенство, откако пред него, новото засилување на Лос Анџелес Лејкерс – Ентони Дејвис исто одби повик од штабот на Американците.
Џејмс Харден има два златни медали досега во својата кариера со репрезентацијата на САД – од Олимписките игри 2012 и Светското првенство 2014 година.