Четири лица, осомничени за соборување на малезискиот авион МХ17 во јули 2014 година, ќе се соочат со обвиненија за убиство на судењето што е закажано во март следната година во Холандија.
Истражителите ги објавија имињата на осомничените, од кои тројца се Руси, а еден е украински државјанин, пет години откако патнички авион со ракета беше соборен над територијата, која е под контрола на проруските сили во Украина.
Четворицата осомничени се товарат дека се одговорни за транспорт на ракетниот систем, кој е употребен за соборување на авионот МХ17.
Истражителите најавија дека ќе побараат од Русија да ги испорача тројцата осомничени, а претпоставуваат дека четвртиот осомничен се наоѓа во Украина.
Судењето ќе почне на 9 март 2020 година во Холандија.