Министерот за одбрана на Србија, Александар Вулин му порача на претседателот Стево Пендаровски дека како Србија ќе го решава проблемот со Косово не е тема со која тој треба да се занимава.
-Пендаровски малку се прашува за иднината на Северна Македонија, ама сака да се прашува за иднината на Србија. Како Србија ќе го решава својот внатрешен проблем не е тема за претседателот на Северна Македонија. Ако идејата за разграничување е „грозна и недостоинствена за 21 век“ тогаш може даа го повлече признавањето на Косово од почетокот на 21 век или да ја осуди интервенцијата на НАТО од крајот на 20 век која доведе до етничко чистење на Србите од Косово и Метохија, изјави Вулин коментирајќи ја изјавата на македонскиот претседател дека „идејата за корекција на границата на Белград и Приштина е незамислива“.