Илјадници демонстранти се собраа денеска пред Белата куќа, со цел претседателот Барак Обама да претстави конкретни мерки за справување со глобалното затоплување.
При преземањето на вториот претседателски мандат Обама посвети сериозно внимание на климатската заштита и го повтори ветувањето во неодамнешното обраќање „За состојбата на Унијата“.
Според еден од организаторите на протестот, „Сиера клуб“ околу 30.000 демонстранти се собрале денеска во близина на Белата куќа.
Протестите се организираат во пресрет на уште една средба на Управниот одбор на Програмата на ОН за заштита на животната средина, што почнува утре во Најроби.
САД минатата година се соочија со рекордно високи температури, суша и ураганот Сенди, кои ги погоди североистичните делови.