Америка до Израел: Ако е вистина дека се убиени 14 деца, тие не се терористи

Од:

Соединетите Држави повикаа на истрага за смртоносниот израелски воздушен напад врз училиште управувано од Агенцијата на ОН за палестински бегалци (УНРВА) во централна Газа и му порачаа на Израел дека мора да биде „целосно транспарентна“.

Портпаролот на американскиот Стејт департмент Метју Милер изјави дека дури и ако израелската војска имала намера да ги таргетира милитантите на Хамас, тврдењата за децата убиени во нападот „покажуваат дека нешто тргнало наопаку“.

Милер рече дека е право на Израел да ги гаѓа милитантите на Хамас, додека во исто време ја нагласи обврската да се минимизира штетата на цивилите и да се преземат сите можни чекори за да се направи тоа.

„Децата не се терористи“

Тој рече дека САД виделе извештаи дека 14 деца биле убиени во нападот. „Ако е вистина дека се убиени 14 деца, тие не се терористи“, рече Милер.

Сето тоа се факти кои треба да се проверат и тоа сакаме да се случи, додаде тој.

Според УНРВА, училишна зграда во бегалската област Нусејрат била користена како засолниште за итни случаи.

Здравствените власти во Газа, под контрола на Хамас, соопштија дека најмалку 30 луѓе биле убиени во нападот во средата вечерта, а повеќето од жртвите биле жени и деца. Хамас соопшти дека загинале 40 луѓе. Првично не беше можно самостојно да се провери оваа информација, пренесува Дпа.

Израелската војска соопшти дека верува оти 20 до 30 членови на Хамас и на палестинскиот исламски џихад биле во три училници во училишна зграда во бегалската населба Нусејрат.

Би можело да ве интересира

(ВИДЕО) Три лица загинаа, а 87 се ранети во големите израелски напади во градот Ходеида

ВИДЕО: Голема експлозија по напад со дрон во Тел Авив, една жртва и 10 се повредени

ЦИА: Лидерот на Хамас Јахја Синвар е под притисок да прифати договор со Израел

Хамас се повлекува од преговорите за примирје во Газа

САД: Ќе работиме со Северна Македонија и Грција да го одржaт Договорот од Преспа

(ВИДЕО) Ердоган: Нема соработка на НАТО со Израел додека нема мир во Палестина