Амбасадорот на Мисијата на Европската унија во Албанија, Луиџи Сореца, коментирајќи ја ситуацијата откако албанскиот Парламент остана без опозиција, рече дека „нејасната состојба ќе продолжи многу повеќе отколку што мислевме“.
– Минатата недела реков дека одлуката за откажување од мандатите од страна на опозицијата може да создаде нејаснотии и оти ќе биде потребно време пред да дојде сигурност од Централната изборна комисија(ЦИК). На ЦИК ќе и треба повеќе време отколку што мислевме. Затоа, рековме дека откажувањето од мандатите би било контрапродуктивно за демократијата, оцени Сореца.
Евроамбасадорот и со апел за денеска најавениот протест на опозицијата, како контраодговор на закажаната седница на Парламентот.
– Очекуваме секој протест да биде мирен и без насилство, бидејќи тоа не е добро за Албанија и нејзината репутација, рече Сореца.
Околу најавата дека утре во Тирана доаѓа делегација на Комисијата за надворешни работи на Европскот парламент тој оценува дека посетата е потврда дека Парламентот е место за дискусија.
– Оваа посета не е случајност, туку потврда дека место за дискусија меѓу опозицијата и Владата е Парламентот. В четврток наутро ќе имаат прес-конференција и се надеваме дека ќе имаме позитивни сигнали, нагласи Сореца.
На прашањето дали европратениците ќе имаат улога на судија, тој со одговор дека тие имаат многу значајна улога.
-Европратениците одиграа значајна улога и во минатото. Ќе ги слушнат двете страни и ќе донесат оценка за одлуката во јуни, изјави евроамбасадорот.
Делегацијата на ЕП ќе има средби во Владата, лидерите на опозицијата и граѓанскиот сектор.