Лидерите на 26-те земји-членки на ЕУ денеска усвоија текст за поддршка на Киев, во кој се повикуваат земјите-членки на ЕУ итно да ги засилат напорите за решавање на воените и одбранбените потреби на Украина и се вели дека ЕУ е подготвена да го зголеми притисокот врз Русија, вклучително и со дополнителни санкции.
Унгарскиот премиер Виктор Орбан не го поддржа текстот за Украина, со кој се потврдува „постојана и непоколеблива поддршка“ за независноста, суверенитетот и територијалниот интегритет на таа земја во нејзините меѓународно признати граници и вели дека ЕУ ќе ја интензивира поддршката за реформските напори на Украина на нејзиниот пат кон членство во ЕУ.
Тие исто така ја поздравувааѕ заедничката изјава на Украина и САД по состанокот во Саудиска Арабија, вклучувајќи предлог за договор за прекин на огнот, хуманитарни напори и континуирано споделување разузнавачки информации и безбедносна помош на САД.