ПСЖ останува и без Кавани за дуелот со Јунајтед

Од:

Погодокот на Единсон Кавани од белата точка во 42-та минута беше ПСЖ доволен за домашната победа од 1:0 против Бордо, но ретко кога еден тренер бил толку потресен по победа, како што синоќа тоа беше тренерот на Парижаните, Томас Тухел.

Всушност, токму при изведувањето на пеналот, Кавани го повреди бедрото, а со оглед на тоа дека првата ѕвезда на клубот Нејмар и многу важниот Марко Верати се повредени, Тухел е во навистина тешка ситуација.

Во вторник, ПСЖ го очекува најважниот натпревар оваа година – првиот судир со Манчестер Јунајтед во осминафиналето на Лигата на шампионите на „Олд Трафорд“, и многу е веројатно дека тие нема да може да сметаат на дури три свои големи ѕвезди.

Германскиот тренер беше очаен по натпреварот.

– Се разбира дека имам резервен план за секој натпревар, па и за тој против Јунајтед, но како би можел да се подготвам да играм против толку силен ривал без нашите најважни играчи – Верати, Нејмар и сега Кавани. Па сега морам да смислам не план „Б“, туку план „Д“!, изјави синоќа Тухел.

ПСЖ е лидер во Лига 1 со 13 бода предност пред вториот Лил, но и со меч помалку.

Би можело да ве интересира

Прв трофеј за Манчестер сити во Лигата на шампионите

Ана Ололовска

ВИДЕО: Пожар во Истанбул пред финалето на Лигата на шампионите, густ чад над стадионот

Ана Ололовска

ВИДЕО: Навивач упадна на терен и направи хаос

Ана Ололовска

ВИДЕО: Навивачите ги изненадија Французите, им приредија добредојде и покрај поразот во финалето

А1он

ВИДЕО: Нереди во Франција и во Белгија, загина момче, стотина приведени

Катерина Ѓуровски

ВИДЕО: Шоу на Мбапе и Жиру против Полска, Французите ја продолжуваат одбраната на титулата

Катерина Ѓуровски