Македонски Центар за Култура и Развој (МЦКР) како носител на проектот Граѓанска превенција упати апел до организаторите на најавените јавни протести за в петок да ги преземат сите можни чекори за квалитетно организирање на собирите и преземање камплетна одговорност на организаторите на протестите за нивниот тек.
Како што соопштија од МЦКР тие апелираат до безбедносните служби да бидат воздржани во рамките на спроведување на своите надлежности и да делуваат во рамки на своите надлежности. Апелираат до политичките партии кои легитимно на демократски избори ја добиле довербата од граѓаните да се вклучат во полн капацитет во процесот на слушање на пораките што ги добиваат од граѓаните.
– Апелираме верските заедници и поглаварите да делуваат превентивно и симболично да демонстрираат единствено во насока на запазување на европските критериуми и вредности при организирањето на јавни собири од страна на граѓаните. Апелираме до секое семејство и особено до родителите суштински да се грижат за своите деца. Апелираме до медиумите да известуваат коректно од јавните собири, се наведува во соопштението.