Министерот за финансии Тендаи Бити признал дека во државната каса на Зимбабве има само уште 138 фунти откако државата ги исплатила платите и другите давачки, објавија лондонските медиуми.
Признанието на министерот Бити само ја покажува целосната ерозија на економијата на оваа африкансак земја со која владее Роберт Мугабе.
Зимбабве од 1980 година е независна држава, а Мугабе е прв претседател
Мугабе предизвика гнев кога започна кампања за одземање на имотите на белите фармери за да им ја даде на домашните селани. Со таквата политика, над четири илјади бели фармери останаа без својот имот, но тоа предизвика забрзано економско назадување и појава на недостиг на храна.
Со својата авторитативна политика и суспендирање на демократијата Мугабе ја загуби довербата на странските инвеститори што доведе до парализа на економијата на земјата. Од некогашна просперитетна држава која важеше за хранителка на Африка, Зимбабве се претвори во земја која мора да купува храна и една од најсиромашните на црниот континент.
Три четвртини од населението живее за помалку од 1,5 долари дневница, а преку 50 отсто од луѓето се без работа.