Украинскиот претседател Володимир Зеленски денеска изјави дека Украина ќе работи „конструктивно“ со американскиот претседател Доналд Трамп за да се постигне „брз и траен мир“ и потврди дека украинско-американските разговори ќе се одржат следната недела во Саудиска Арабија.
Зеленски вечерва рече дека прв приоритет за завршување на војната во Украина е прекин на огнот на небото и прекин на огнот на море.
Како што истакна во објавата на социјалната мрежа Х, можен е брз напредок кон мир, а Украина и нејзините партнери заедно разбираат кои чекори можат да ја запрат војната, да гарантираат безбедност и да обезбедат траен мир.