Зеленски го повика НАТО: Покажете дека не се плашите од Русија

Од:

Украинскиот претседател Володимир Зеленски во интервју објавено денеска го повика НАТО „да покаже дека не се плаши од Русија“. Зеленски го изјави ова како одговор на прашањето дали добил некаков одговор од Северноатлантскиот договор за барањето за членство, односно кога очекува одговор на НАТО на барањето на Украина.

dobivaj vesti na viber

„Мојата клучна порака до НАТО е – не треба да се плашите од никого“, рече тој.

Зеленски истакна дека „важно е да се договорат безбедносни гаранции за целиот свет, така што никој не ни помислува да стане автократ, па дури и да е автократ, да не ни помисли дека може да освои туѓи територии“.

„НАТО не е толку силен во Источна Европа без Украина“

„За тоа е потребно единство. Мислам дека без Украина, алијансата не е толку силна, особено не на европскиот континент. Мислам дека влезот на Украина во НАТО е важен чекор за силата на Алијансата во Источна Европа. Ние му ја нудиме таа шанса на НАТО и благодарни сме за неговата поддршка“, рече Зеленски и го повика НАТО „да покаже решителност“.

„Не само што Украина мора да ја покаже својата сила пред Русија, туку и НАТО треба да го направи тоа, мора да покаже дека не се плаши од Русија. Знам дека сите разбираат дека безбедносните гаранции се нешто што и треба на Украина. Мислам дека ние сме на тој пат, ние дефинитивно сакаме да одиме на тој начин. За жал, колку брзо ќе оди не зависи само од Украина“, рече тој.

Би можело да ве интересира

Русија најави евакуација од источниот брег на Днепар

Русија „огорчена“ од поддршката на Франција за формирање Суд за воени злосторства во Украина

Инспектори на ОН истражуваат дали руските напади врз инфраструктурата се воени злосторства

Украина најави забрана за црквите поврзани со Русија

Горан Наумовски

Медведев: Властите во Киев станаа непријатели на православната вера

Франција ја налути Русија