Украинскиот претседател Володимир Зеленски ги поддржа антивладините протести организирани од граѓанската иницијатива „Мир за Украина“ во петокот во неколку словачки градови и рече дека Словачка има место во Европа.
Братислава не е Москва. Словачка е Европа“, напиша украинскиот претседател на социјалната мрежа Х.
Тој го сподели статусот и фотографијата на пријателот на поранешната претседателка Зузана Чапутова, Јурај Ризман, кој учествуваше на демонстрациите во Братислава.
Bratislava nie je Moskva.
Slovensko je Európa. https://t.co/GwJJV05yq9— Volodymyr Zelenskyy / Володимир Зеленський (@ZelenskyyUa) January 24, 2025
„Словачка е Европа! Граѓански протест против владата на Роберт Фицо и против соработката со Русија на Путин. Плоштад Слобода, Братислава, Словачка, 24 јануари 2025 година“, напиша Ризман под фотографијата.
Во Братислава и во 30 други градови во Словачка во петокот десетици демонстранти побараа оставка од словачкиот премиер.
Според организаторите на протестот, луѓето се собрале да го изразат своето несогласување со моменталната насока на земјата и да покажат поддршка за демократските вредности и европската иднина на Словачка.