Украинскиот претседател Володимир Зеленски преку видео обраќање ги повика членките на НАТО да обезбедат безбедносни гаранции за украинските нуклеарни централи.
Киев ја обвини Москва за повторени напади во областа на нуклеарната централа Запорожје во јужна Украина. Последниот бран напади се случи викендов. Украинскиот претседател ги повика членките на НАТО да дејствуваат.
„Во интерес на сите нации е да нема опасни инциденти во нашите нуклеарни централи. Ни требаат гаранции и заштита од руската саботажа на украинските нуклеарни централи“, рече Зеленски, обраќајќи им се на членките на НАТО.