Средбата на лидерите од државите од Г-20 ќе заврши денеска со прифаќање финални документи – Декларација на лидерите и План од Санкт Петербург.
Изработени се и дополнувања кон декларации за сите теми од работната група.
Планот за акција за обезбедување раст и вработеност ќе вклучува и шема на работа по финансирање на долгорочни инвестиции, извештај за реализацијата на реформите за финансиска регулација, резиме и план за акција по даночни прашања.
Се очекува денеска и втора седница на групата со теми – инвестиции, стимулирање економски раст и создавање нови работни места.
Потоа учесниците ќе имаат и работен ручек на кој ќе се разговара за прашања за економскиот раст и трговијата.
Италијанскиот премиер Енрико Лета вчера изјави дека шефовите на држави и влади од групата Г-20 потврдиле дека постои поделба меѓу нив во врска со решавањето на конфликтот во Сирија.