Наводниот агент на Мосад со двојно жителство Бен Зајгер бил уапсен од израелската разузнавачка служба бидејќи оддал доверливи информации со австралиското разузнавање, јави ДПА повикувајќи се на австралиската телевизија Еј-Би-Си.
Зајгер (34) беше пронајден обесен во келијата во декември 2010 година, по 10 месеци минати во изолација.
Минатата недела Еј-Би-Си откри дека Зајгер е мистериозниот „затвореник Икс“ приведен со мотив дека е опасност за националната безбедност на Израел во затворот Ајалон.
Според извори на телевизијата, Зајгер бил еден од тројцата австралиски евреи кои ги смениле неколкупати своите имиња за да извадат нови пасоши со кои патувале на Блискиот исток и Европа работејќи за Мосад. Зајгер се сретнал со агенти на австралискотото разузнавање и им открил операции на Мосад, меѓу кои и за планови за тајна мисија во Италија. Зајгер, син на еврејско семејство од Мелбурн, служел во израелската армија.