Зариф ја повика Јапонија да дејствува за да го заштити нуклеарниот договор со Иран

Од:

Иранскиот министер за надворешни работи Мохамед Џавад Зариф ги повика сојузниците на САД, како Јапонија, да преземат акција за заштита на нуклеарниот договор со Иран од 2015 година, јави ДПА.

Зариф, кој во Токио се сретна со шефот на јапонската дипломатија Таро Коно, изрази надеж дека Јапонија и другите сојузници на САД ќе преземат „практични мерки за одржување на овој важен меѓународен договор“.

Зариф и Коно се сретнаа еден ден откако Вашингтон им нареди на вработените во американската амбасада во Багдад и американскиот конзулат во Ербил, Курдистан, да го напуштат Ирак поради ескалација на тензиите меѓу САД и Техеран.

Иранскиот министер за надворешни работи изјави дека ескалацијата е „неприфатлива“ и ја повика меѓународната заедница да се изјасни против Вашингтон за да го заштити договорот.

– Ако меѓународната заедница има корист од овој историски договор, мора да биде подготвена да инвестира во овој историски договор и да ги спречи САД да шират незаконитост и беззаконие, рече Зариф.

Иран минатата недела соопшти дека ќе почне да се повлекува од дел од нуклеарниот договор со светските сили. Овој потег дојде точно една година откако американскиот претседател Доналд Трамп одлучи да се повлече од договорот и да ги врати тешките економски санкции врз Техеран.

Би можело да ве интересира

Зариф во Париз на средба со Макрон за иранскиот нуклеарен договор

Ана Ололовска

Коно: Јужна Кореја погрешно ги проценила безбедносните околности

Јужна Кореја го суспендира договорот за размена на разузнавачки податоци со Јапонија

Зариф: Иран нема да почне војна во Заливот, но ќе се брани

Ана Ололовска

Рохани: Разговорите со Вашингтон се бескорисни

Ана Ололовска

Иран го претстави ракетниот систем „Бавар-373“, што е пандан на рускиот „С-300“

Ана Ололовска