Терористичката група Исламска држава во Ирак и Леванта, која е поврзана со Ал Каеда, отворила училишта во северна Сирија, недалеку од границата со Турција, во кои обучува деца за бомбаши-самоубијци, објави турскиот весник Заман.
Органзиацијата дава материјална помош за Сиријците кои ќе ги испратат децата да бидат обучувани во тие школи. Исламска држава во Ирак и Леванта засилила влијание во северниот дел од Сирија, презела контрола над градот Азаз и отворила училишта во Алепо и Рака.
Во нив групата не само што распространува идеологија на Ал Каеда туку и обучува деца за самоубиствени напади.
Според Заман, Исламска држава во Ирак и Леванта има контрола врз нафтени извори во провинциите Рака и Дејр ал Зур и поради тоа се здобила со голем економски потенцијал за кусо време.