Врховниот суд на Индија нареди промена на правилата за продажба на киселина, која се користи за чистење. Одлуката е мотивирана поради зачестените напади со киселина врз жените.
Со измните предвидено е киселината да се продава само ако купувачот приложи лична карта, како и тоа дека киселина не треба да се продава на малолетни лица.
Во Индија годишно се извршуваат од 100 до 150 напади со киселина врз жени. Причините за нападите се од неприфаќање на предлогот за брак или секс до караници меѓу сопрузите или пак сомневање за прељуба.
Индискиот Врховен суд одлучи и властите да исплаќаат компензација од 300.000 рупии (околу 5.000 американски долари) на жртвите на нападите со киселина, како помош за нивното лекување.