Припадници на вооружените сили на Иран и Ирак денеска започнаа ненајавени воени вежби во иранската провинција Керманшахан, во реонот на граничниот премин „Парвис Хан“ на границата кон Ирачки Курдистан.
Во маневрите учествуваат тенкови и пешадија на двете армии.
Ова се први заеднички иранско-ирачки воени вежби од Исламската револуција во Иран во 1979 година.
Вежбите се одржуваат само една недела по референдумот за независност на Ирачки Курдистан, што беше спроведен на 25 септември.