Венецуелските сили за безбедност денеска ја презедоа контролата и ги евакуираа затворениците од затворот Урибано, во државата Лара, на северозапад на земјата, по бунтот во кој се судрија затворските банди и чуварите, а според најновите податоци има 58 загинати и речиси двојно повеќе ранети.
-Евакуацијата на затворениците е завршена. Сега не очекува реконструкција на затворот, изјави министерката задолжена за затворите, Ирис Варела, истакнувајќи дека и последниот од речиси 2.000 затвореници мирно го напушти затворот, без каков и да било отпор, пренесуваат западните агенции.
Варела наведе дека побунетите и останатите затвореници се префрлени во други затвори во Венецуела, додавајќи дека претходната проценка за 61 загинат е намелена и дека најновите податоци покажуваат дека смртно настрадале 58 лица и дека има двојно повеќе ранети во судирите на затворските банди и чуварите, кои почнале уште во петокот.