Властите во Венецуела уапсија 32 лица, вклучувајќи војници и цивили, за нивната наводна улога во заговор за атентат на претседателот Николас Мадуро, соопшти венецуелското обвинителство.
Јавниот обвинител Тарек Вилијам Сааб, близок до Мадуро, потврди дека уште 11 лица, меѓу кои активисти, новинари и војници, се уапсени за планирање на ликвидација на венецуелскиот министер за одбрана Владимир Падрино, пишува АФП.
„Сите осомничени го признаа она за што се товарат и открија информации за овие планови“, изјави Сааб за медиумите.
За време на неговото неделно телевизиско шоу што се емитува во понеделник, Мадуро го овласти Падрино да го деградира и протера осомничениот воен персонал од националните вооружени сили.