Здравствените власти соопштија дека во Франција изминатата недела се зголемил бројот на новозаразени со Ковид-19 за 25 проценти.
Додека во францускиот регион Гранд Ест изминатите седум дена е регистрирана највисока стапка на инциденца односно има зголемување за 31 отсто во споредба со претходната недела.
Но, во исто време е забележано намалување на бројот на пациенти на интензивна нега.
Франција од 14 март ги укина најголемиот дел од мерките воведени поради коронавирус, вклучително и носење маски за лице во затворени простории и во јавниот превоз, како и сертификатите за влез во одредени установи.
Извор: МИА