Француската полиција уби вооружен маж кој се обиде да запали синагога во северозападниот град Руан, соопшти францускиот министер за внатрешни работи.
Мажот бил вооружен со нож, а кога се движел кон полицајците, тие го застрелале, се вели во извештаите.
Градоначалникот на Руан Николас Мајер-Росињаол изјави дека нападот на синагогата не ја погодува само еврејската заедница, туку дека целиот град е во шок.
Според локалните извештаи, полицијата била повикана околу 6:45 часот откако бил забележан чад како се крева од синагогата.
L’ignoble poison antisémite a touché ce matin la communauté juive de Rouen.
Merci à nos forces de l’ordre pour leur engagement réactif et sans faille à protéger le sol de France. Aux côtés de nos compatriotes juifs jusqu’à ce que cesse cette ignominie à leur égard. https://t.co/p3nVOIiSqY
— Valérie Hayer (@ValerieHayer) May 17, 2024
Кога полицијата пристигнала на местото на настанот, еден од полицајците застрелал маж кој бил вооружен со нож и железна шипка.
Градоначалникот рече дека пожарникарите се на терен и го контролираат избувнувањето на пожарот во синагогата. Освен вооружениот напаѓач, се чини дека нема други мртви или повредени, додаде тој.
Министерот за внатрешни работи Џералд Дарманин ја пофали полицијата „за нивната реакција и храброст“.
Франција, како и остатокот од Западна Европа, забележа пораст на антисемитизмот откако Хамас го нападна јужен Израел минатиот октомври, што доведе до актуелната војна во Газа.