Турските и египетските медијатори го предупредија политичкото раководство на Хамас да ја засили безбедноста, објави денес „Волстрит џурнал“ (WSJ), повикувајќи се на неименувани арапски, американски и израелски претставници.
Според извештајот, 10 авиони биле распоредени за да испукаат муниција со долг дострел кон куќа во главниот град на Катар, каде што политичкото раководство на Хамас се состанувало за да разговара за најновиот предлог за прекин на огнот во Газа.
Ракетите биле истрелани надвор од воздушниот простор на Катар и не го нарушиле воздушниот простор на Саудиска Арабија или на Обединетите Арапски Емирати, објави WSJ.