Вооружени напаѓачи запленија бродот во близина на Сомалија и бродот сега е под нивна контрола, соопштија во вторникот британската агенција за поморска безбедност и компанија за поморска безбедност Амбри.
Според британската агенција за поморска безбедност УКМТО, инцидентот се случил на 600 наутички милји источно од главниот град на Сомалија, Могадишу.
„Неовластени лица сега го контролираат бродот“, се вели во соопштението на УКМТО, додавајќи дека луѓето се качиле на бродот од помал и поголем брод.
Од своја страна, Амбри извести дека во инцидентот учествувале 20 вооружени мажи, кои се качиле на брод со сув товар под знамето на Бангладеш. Бродот пловел кон Хамрија, во Обединетите Арапски Емирати, од Мапуто, Мозамбик, соопшти агенцијата за поморска безбедност.