Лидерите на Русија и САД, Владимир Путин и Доналд Трамп, одамна ќе постигнеа договор за решавање на конфликтот во Украина доколку не беше интервенцијата на европските земји, објавува „Волстрит џурнал“ (WSJ), повикувајќи се на извори запознаени со дипломатските контакти.
Според весникот, француски функционер изјавил дека компромисот меѓу Москва и Вашингтон ќе бил постигнат „доколку не беа Европејците“, нагласувајќи дека токму европското инсистирање на поцврста линија ги спречило двете сили да постигнат побрзо приближување.
Изворот на WSJ, исто така, наведува дека Европа сега „се нашла сама на себе“, бидејќи Вашингтон постепено го намалува својот ангажман во регионот, што – како што објасни – значи дека европските земји мора да преземат поголем дел од товарот и сè повеќе да се потпираат на сопствените капацитети.
Весникот, исто така, потсетува на претходна проценка на британската аналитичарка Емили Ферис, која истакна дека разликите во пристапите на САД и Европа се резултат на желбата на Трамп да постигне договор, додека европските влади остануваат порезервирани и скептични кон каков било компромис со Москва.