Водечката опозициска сила во Индија, националистичката хиндуистичка партија „Баратија џаната“ (Индиска народна партија), освои апсолутно мнозинство на парламентарните избори во земјата, кои се одржаа во периодот од 7 април до 12 мај, што значи дека нејзиниот лидер Нарендра Моди ќе биде новиот премиер, покажуваат првичните резултати.
Коалицијата Национална демократска алијанса, предводена од „Баратија џаната“ освои 325 мандати, а за освојување на апсолутно мнозинство во Долниот дом на индискиот Парламент (Лок Сабха) се потребни 272 пратенички места. „Баратија џаната“ самата освои 273 мандати во Лок Сабха, што е најголемата победа на парламентарните избори во Индија во изминатите 30 години.
Досегашната владејачка партија Индискиот национален конгрес го призна поразот. Партијата води само во 67 изборни единици, што е најлошиот резултат на партијата, предводена од династијата Ганди, во целата нејзина историја.
Одѕивот на овие избори во Индија беше рекорден. Правото на глас со оствариле 66,38 отсто од 814-те милиони гласачи.