Владата на Венецуела соопшти дека се упасени деветмина Колумбијци од редовите на тамошните десничарски, паравоени милиции, обвинети дека подготвувале „заговор за убиство на венецуелскиот претседател“ Николас Мадуро.
Министерот за внатрешни работи Мигуел Родригез тврди дека деветмината уапсени требало да се инфилтрираат во Каракас и да го спроведат планираниот заговор. Родригез најави нови апсења на припадниците на, како што рече, уште една група заговорници од Колумбија кои се „на пат кон Каракас“.
Мадуро беше избран за претседател, со минимална разлика во гласовите. Неговата победа опозицијата не ја прифаќа, тврдејки дека при броењето на гласачките ливчиња и се укаредни околу 300 илјади гласови, сосема доволни за победа на нејзиниот кандидат.
Мадуро го наследи починатиот Хуго Чавез кој на претседателската функција беше 14 години,откако со промена на Уставот си обезеди право да се кандидира за функцијата, без ограничување на бројот на мандатите, јави дописникот на МИА.
Минатиот месец новиот венецуелски претседател ги обвини Колумбија и нејзиниот поранешен претседател Алваро Урибе, познат како остар критичар на политиката на Чавез, дека подготвуваат заговор за ликвидација на Мадуро.
– Урибе е убиец, рече во таа прилика Мадуро, но поранешниот колумбијски претседател тоа категорично го демантираше.
Тој се закани дека ќе го пријави претседателот на Венецуела кај интерамериканската комисија за човекови права.
Тврдењето за заговор против Мадуро, подготвуван од „десничарите“ во соседна Колумбија, доаѓа во време на остра економска криза во, со нафта богатата Венецуела. Земјата подолго време има проблеми во снабдувањето со храна и се соочува со заканата од хипер инфлација.