Венецуела се уште се соочува со недостаток на основните намирници, а во последно време во продавниците повеќе не може да се најдат ниту средства за хигиена, особено тоалетна хартија.
-Имам 71 години и до сега вакво нешто не сум виде-вели Мануел Фагундес, додека во центарот на Каракас беше во потрага по основни намирници.
Тоалетната хартија вчера можеше да се најде само во една продавница во главниот град.
-Веќе две недели барам тоалетна хартија, една продавница доби поголема количина но таа бргу беше распродадена-истакна Кристина Рамиос.
Венецуелските власти го обвинуваат претходниот режим за овој дефицитарен производ во Венецуела, држава со околу 26 милиони жители, а оваа недела ветија дека проблемот делумно ќе го решат, така што ќе увезат 760.000 тони хартија и 50 милиони пакети тоалетна хартија.
Економистите сметаат дека недостатокот во Венецуела е последица на контролата на цените, чија цел беше основните намирници да бидат достапни до најсиромашните граѓани.
Елена Георгиевска